Asnjë gjurmë nga autori i vrasjes së kosovarit në St.Gallen

Hanspeter Krüsi, zëdhënës i policisë kantonale të St.Gallen, tha se hetuesit ende nuk kanë shumë të dhëna për autorin e vrasjes. Mbi 42-vjeçarin një person kishte shtënë me armë të enjten në mëngjes, në qendër të qytetit, shkruan albinfo.ch

Të premten policia kishte lëshuar një fotografi portret të viktimës dhe ka kërkura nga qytetarët më shumë të dhëna për kosovarin e vrarë.

“Ne kemi marrë pak informata nga qytetarët”, thotë Krüsi.

Kjo ishte një situatë veçanërisht e vështirë, ngase viktima nga Kosova kishte jetuar ilegalisht në Zvicër dhe kishte punuar në të zezë në vendet e ndërtimit.

“Por, ne jemi të bindur se do ta gjejmë autorin e vrasjes“, thotë Krüsi për Thurgauer Zeitung, përcjell albinfo.ch

Autori i vrasjes është ende në arrati, policia kantonale ka vendosur për të shtuar më shumë policë për të zbardhur rastin, tha zëdhënësi i policisë, Krüsi.