Taksisti shqiptar i “shpall dashuri” Zvicrës me hitin “I liben Schweiz”

Shoferi i “Taxi Ziba” me këngën e re i shpall dashuri Zvicrës, duke e himnizuar vendin i cili i ka siguruar një jetë të mirë atij, familjes së tij dhe shumëkujt tjetër

I liben Schweiz” (një trajtë e deformuar qëllimisht për shprehjen `unë e dua Zvicrën`) mban titullin kënga dhe videoklipi më i ri i Besnik Zibës. A? Nuk keni dëgjuar për këtë emër? Po ai është ai taksisti nga St. Galleni, i cili në vitin 2014 pati edituar një këngë me videoklip me titullin “I lieben dir”, i cili pati korrur një sukses të konsiderueshëm, duke u klikuar mbi 43800 herë.

Shoferi i “Taxi Ziba” me këngën e re i shpall dashuri Zvicrës, duke e himnizuar vendin i cili i ka siguruar një jetë të mirë atij, familjes së tij dhe shumëkujt tjetër.

Me të vjetrën, ai u këndonte shokëve klientëve të tij besnikë ndërsa e gjithë “ngjarja” e klipit  zhvillohej në taksinë e tij. Se a do të mund ta përsërisë suksesin e vitit 2014 mbetet të shihet.

Shqiptari nga Kosova ka 18 vjet që jeton në Zvicër, i lumtur me familje e tij.

Kamerën dhe montazhin e videos i ka realizuar regjisori Denis Ledergerber