Afrona Dika reklamon për “Zebra Fashion”

Krahas lidhjes së dashurisë me këngëtarin Blero, Afrona Dikës për mrekulli po i shkon edhe me aktivitete të modës.

Së fundmi ajo është angazhuar si fytyrë e kompanisë së njohur zvicerane, “Zebra Fashion”, e cila është ndër kompanitë e modës më të preferuara të qytetarëve në Zvicër, shkruan albinfo.ch.

Në fakt, ka kohë që bukuroshja e cila jeton në Zvicër publikon fotografi në rrjetet sociale me veshje nga kjo kompani, teksa besohet se ajo ka një marrëveshje profesionale me kompaninë në fjalë.

Ditë më parë ajo ka realizuar edhe një set fotografish për kompaninë “Zebra”, të cilat janë realizuar nga fotografi prishtinas, Veton Osmani.

Afrona tash e disa muaj është një prej personazheve më të përfolur në media për lidhjen e saj me këngëtarin Blero.