Në Vushtrri, Vetëvendosje e mund koalicionin e luftës vetëm për 7 vota

Në komunën e Vushtrrisë, që njihet si bastioni i Partisë Demokratike të Kosovës, ka fituar Lëvizja Vetëvendosje për vetëm 7 vota epërsi

Zgjedhjet parlamentare të së dielës në Kosovë kanë sjellë shumë befasi, sidomos pas ngritjes së Lëvizjes Vetëvendosje për 100 për qind. Por, e veçanta është se në disa komuna, është shënuar një rezultat tepër i ngushtë që dallon me gishtat e duarve, fitoren e Vetëvendosjes karshi ish-guerilëve të bashkuar të UÇK-së-PAN.

Në komunën e Vushtrrisë, që njihet si bastioni i Partisë Demokratike të Kosovës, ka fituar Lëvizja Vetëvendosje për vetëm 7 vota epërsi. Sipas numërimit që ka nxjerr Komisioni Qendror i Zgjedhjeve (KQZ), Vetëvendosje ka marrë 9.593 vota, ose vetëm shtatë më shumë se koalicioni PDK-AAK-NISMA. Ky koalicion mori 9.486 vota.

Në vendin e tretë në këtë komunë doli koalicioni LDK-AKR, i cili fitoi 5.647 vota.