Sipas Exit-Poll-it, PS del fituese

Sipas këtij sondazhi, partia e Edi Ramës do të marrë mes 45 dhe 49 për qind të votave. Pas kësaj vjen Partia Demokratike me 30-34 për qind, ndërsa e treta mbetet Lëvizja Socialiste për Integrim 11-15 për qind

Keystone

Zgjedhjet e përgjithshme në Shqipëri kanë përfunduar. Komisioni Zgjedhor kishte zgjatur orarin e votimit për një orë.

Afati për të votuar ishte shtyrë për një orë me një vendim të KQZ-së, i cili nuk ishte respektuar nga shumë komisionarë, raportojnë mediat në Tiranë.

Pjesëmarrja në votime ka qenë 35.77 përqind. Përqindja më e lartë është regjistruar në qarkun e Kukësit, ndërsa më së paku votues ka pasur në Shkodër, ku kanë votuar vetëm 32,56 për qind e qytetarëve me të drejtë votave.

Ndërkohë, Exit Poll-i i Ora News dhe IPR Marketing ka nxjerrë fituese Partinë Socialiste.

Sipas këtij sondazhi, partia e Edi Ramës do të marrë mes 45 dhe 49 për qind të votave.

Pas kësaj vjen Partia Demokratike me 30-34 për qind, ndërsa e treta mbetet Lëvizja Socialiste për Integrim 11-15 për qind.

LIBRA pritet të fitojë mes 1-3 për qind, ndërsa PDIU 3-5 për qind.

Sipas Exit Poll-it, në qarkun e Tiranës Partia Socialiste siguron nga 17-19 mandate, Partia Demokratike 11-13 mandate dhe Lëvizja Socialiste Për Integrim nga 2-4 mandate.

Edhe një Exit Poll tjetër ka nxjerrë rezultat të ngjashëm. Sipas të dy Exit Poll-eve PS ka gjasë të arrijë deri në numrin e 72-ulëseve në Kuvendin me 140 ulëse.