Policia e Kosovës ka raportuar për një vjedhje të rëndë në Prishtinë, raporton albinfo.ch.
Sipas raportit të Policisë së Kosovës, viktima femër ka raportuar se e kishte parkuar veturën e saj me targa gjermane në një parking, por persona të panjohur i kanë thyer veturën duke i vjedhur gjërat personale.
Ajo ka raportuar se i është vjedhur çanta e krahut në të cilën kishte një shumë parash, telefonin, dokumentet personale dhe disa dokumente të familjarëve të gjitha të lëshuara nga autoritetet gjermane.
Rasti është duke u hetuar nga Policia e Kosovës që nuk ka dhënë detaje tjera në lidhje me këtë rast.
