Filmi kosovar “Agnus Dei” shpërblehet edhe në SHBA

Filmi “Agnus Dei” i cili deri më tani i ka sjell Kosovës 86 çmime kinematografike, ditëve në vijim do të shfaqet edhe në disa festivale ndërkombëtare në SHBA, Kanda, Meksikë e Evropë.

Filmi kosovar “Agnus Dei”, me skenar e regji të Agim Sopit, i cili tematizon ngjarje interesante nga lufta e fundit në Kosovë, ka fituar çmimin e regjisorit më të mirë /Best Director/  në Edicionin 2017 të “Illinois Independent Film Festival” që ka përfunduar mbrëmë në Chicago të Shteteve të Bashkuara të Amerikës.

Filmi “Agnus Dei” i cili deri më tani i ka sjell Kosovës 86 çmime kinematografike, ditëve në vijim do të shfaqet edhe në disa festivale ndërkombëtare në SHBA, Kanda, Meksikë e Evropë.

Agnus Dei, shfaq dramën e një lloj Edipi të ditëve tona.

Drama tronditëse, shtjellon fatin e Petrit, një të riu rreth të tridhjetave, i cili bënë një jetë të dëshpëruar me të ëmën Marian dhe burrin e saj Stojanin në një fshat në  Serbi.  Sipas njoftimit që ka sjellë vetë regjisori, Petri ka lindur në Kosovë nga një “dashuri e ndaluar” mes  nënës së tij Maria dhe babait shqiptar Dinit. Është koha kur marrëdhëniet mes serbëve dhe shqiptarëve janë armiqësore, pikërisht në prag të luftës.

Petri, cytet nga e ëma dhe rrethi që të shkoj në luftën e Kosovës. Ai do të ikën nga lufta për në përendim, por mobilizohet dhunshëm dhe rekrutohet në një njësit ushtarak në luftën e Kosovës. Në një aksion të përgatitur në shenjë hakmarrjeje, Petri vret babanë e vet Dinin, të cilin nuk kishte arritur asnjëherë ta njoh. Duke mos mundur t’i durojë krimet arbitrare në njësitit e tij, Petri dezerton nga ushtria. Ai  merr me vete të bijën e Dinit, Mariën dhe largohet.

Gjatë një rrugëtimi të vështirë, kur ata ndiqen nga palët e armiqësuara, Petri dhe Maria bien në dashuri. Ata arrijnë të kthehen në shtëpinë e Petrit. Gjatë raporteve të tensionuara me të ëmën, Petri mëson se ka vrarë babanë e vet biologjik dhe se është dashuruar në motrën e vet. Duke mos mundur ta përballoj dramën e papritur, ai ia bën vetëvrasje.

“Agnus Dei”, gjatë muajit gusht do të ketë nderin të hap Festivalin Ndërkombëtar të Filmit në Pekin të Kinës, festival që cilësohet si më i rëndësishmi në shtetin më të madhe të popullsisë në botë.