Komuna e Rahovecit zgjat orarin e punës në administratë

Arsyeja e vazhdimit të orarit të punës, është bërë pasi që gjatë muajve korrik dhe gusht mërgimtarët të Komunës së Rahovecit, të cilët jetojnë jashtë Kosovës t’u ofrohen shërbime më të mira dhe të mos presin gjatë për tu pajisur me dokumente

Kryetari i Komunës së Rahovecit, Idriz Vehapi ka nënshkruar sot vendimin për vazhdimin e orarit të punës për zyrtarët e Zyrës së Gjendjes Civile,  zyrtarët e Zyrës së Pranimit dhe zyrtarët e Tatimit në Pronë të Komunës së Rahovecit. Ky vendim lidhet me ardhjen e bashkatdhetarëve në Kosovë.

“Zgjatja e orarit të punës për ditë pune është nga ora 16 deri në ora 18:00, ndërsa të shtunën prej orës 09:00 deri në ora 12:00. Sipas pikës dy të këtij vendimi, vazhdimi  orarit të punës do të vlejë prej datës 17 korrik deri me 25 gusht 2017”, thuhet në vendimin që e ka nënshkruar kryetari Vehapi.

Sipas këtij të fundit, arsyeja e vazhdimit të orarit të punës, është bërë pasi që gjatë muajve korrik dhe gusht mërgimtarët të Komunës së Rahovecit, të cilët jetojnë jashtë Kosovës t’u ofrohen shërbime më të mira dhe të mos presin gjatë për tu pajisur me dokumente.