Debat mbi problemet e handikapëve nga Kosova dhe diaspora

U shpërfaqën shumë përvoja interesante nga të dyja anët, si dhe trajtua mundësia e rritjes së bashkëpunimit ndërmjet HANDIKOS-it dhe personave me aftësi të kufizuar nga Kosova, si dhe atyre nga diaspora

Fushata “Ditët e diasporës”, ka tubuar për një debat të martën në Prishtinë, autoritet qeveritare të Kosovës në krye me ministrin në detyrë për Diasporë, Valon Muratin, dhe përfaqësuesit e personave me aftësi të kufizuara nga diaspora dhe Kosova.

Në këtë debat u shpërfaqën shumë përvoja interesante nga të dyja anët, si dhe trajtua mundësia e rritjes së bashkëpunimit ndërmjet HANDIKOS-it dhe personave me aftësi të kufizuar nga Kosova, si dhe atyre nga diaspora.

Në këtë debat u shpalosën edhe sukseset e njerëzve tanë nga diaspora, të cilët kanë depërtuar me sukses edhe në sferat shoqërore që merren me personat me aftësi të kufizuara dhe kështu kanë shtruar edhe rrugën e depërtimit në sferën publike dhe politike.

Në përgjithësi u vlerësua ndihma që ofrohet nga diaspora për personat me aftësi të kufizuara dhe u trajtuan mundësitë e zgjerimit të bashkëpunimit,  të shkëmbimit të përvojave  dhe krijimit të lidhjeve me institucione ndërkombëtare dhe me ato të shteteve ku jeton diaspora jonë.