Ambasada amerikane rekomandon të vizitohet Kalaja e Prizrenit

Ambasada e Amerikës në Prishtinë me anë të një njoftimi në rrjetet sociale ka sugjeruar që të vizitohet Kalaja dhe qyteti i Prizrenit

Qyteti i Prizrenit është njëri nga më të bukurit në Kosovë e rajon dhe njëri ndër më të vizituarit, me shumë vende historike e kulturore.

Njëra nga vendet më të vizituara është Kalaja e Prizrenit. Së fundi Kalanë e ka vizituar ambasadori amerikan në Kosovë, Greg Delawie, raporton albinfo.ch.

Ambasada e Amerikës në Prishtinë me anë të një njoftimi në rrjetet sociale ka sugjeruar që të vizitohet Kalaja dhe qyteti i Prizrenit.

“A keni qenë kohët e fundit në Kalanë e Prizrenit? Nëse jo, atëherë patjetër duhet të planifikoni ta vizitoni sa më shpejt! Për shkak të punëve shumë të vështira të bëra, ka shumë ndryshime të reja për t’i parë! Ambasadori Delawie ishte për të parë përparimin”, thuhet në postimin e Ambasadës Amerikane.