Në Ballkan do të ketë konflikt, parashikon “Wall Street Journal”

“Në skenarin e tij më të keq, Rusia dhe Turqia do të inkurajojnë “të afërmit” e tyre në Ballkan, Serbinë dhe Shqipërinë, për t’i ndihmuar që të rivizatojnë kufijtë e rajonit”, shkruan “Wall Street Journal”

Foto ilustrim

Prestigjiozja amerikane “Wall Street Journal” e ka publikuar në hulumtim sipas të cilit konfliktet e reja në Ballkan janë të pashmangshme. Sipas hulumtimit të gazetës në Ballkanin e trazuar Rusia dhe Turqia po nxisin trazira, ndërkohë që SHBA nuk e ka ndërmend të përzihet në një tjetër luftë në Ballkan, kurse BE-ja i ka hallet e veta dhe nuk qanë kokën për Ballkanin.

“Në skenarin e tij më të keq, Rusia dhe Turqia do të inkurajojnë “të afërmit” e tyre në Ballkan, Serbinë dhe Shqipërinë, për t’i ndihmuar që të rivizatojnë kufijtë e rajonit”, shkruan “Wall Street Journal”.

Më tej në këtë analizë thuhet se qeveria serbe, me mbështetjen e Rusisë, mund të aneksonte pjesë të mëdha të Bosnjës së populluar nga serbët etnikë, derisa disa nga territoret e pretenduara nga Shqipëria e Madhe janë në Serbi, do të ishte e vështirë për të dy vendet të bien dakord mbi një hartë të re.

“Mbështetja turke mund të ndihmojë Shqipërinë të marrë një manovër të ngjashme, jo vetëm në Kosovën shqiptare, por edhe në Maqedoni, ku shumica e minoritetit të madh shqiptar dëshirojnë të ribashkohen me atdheun”, thuhet në analizën e “Wall Street Journal”.

Më tje në këtë analizë thuhet se për BE-në, një raund i ri i kaosit të Ballkanit do të ishte një fatkeqësi: refugjatët, krimi, radikalizimi mes myslimanëve të Ballkanit, mundësi më të mëdha për fuqitë armiqësore për të fituar ndikim në shpenzimet e BE. Por BE nuk mendon se mund ta menaxhojë vetë Ballkanin. Shtetet e Bashkuara do të duhet të jenë pjesë e zgjidhjes, thonë gjermanët.