BIK-u reagon ndaj grafiteve antislamike në Prishtinë

BIK-u përmes kësaj komunikate theksoi se kërcënimet me vdekje i udhëheqësve të shtetit, BIK dhe Komunës së Prishtinës përmes grafiteve janë  “akte të papranueshme dhe të dënueshme  për shoqëritë normale”

Nëpërmjet një njoftimi për shtyp Bashkësia Islame e Kosovës (BIK) ka reaguar ndaj grafiteve  me përmbajtje antisilamike që të martën në mëngjes u panë në muret e Fakultetit të Filologjisë në Prishtinë. BIK-u përmes kësaj komunikate theksoi se kërcënimet me vdekje i udhëheqësve të shtetit, BIK dhe Komunës së Prishtinës përmes grafiteve janë  “akte të papranueshme dhe të dënueshme  për shoqëritë normale”.

Më tej në komunikatë thuhet se as BIK, as institucionet e vendit “nuk ndikohet nga individë të natës që thërrasin në dhunë e mbjellin urrejtje e mosdurim”. “Jemi të bindur që autorët dhe mentorët e këtij  veprimi  qyqar nuk paraqesin  qëndrimin e qytetarëve të Prishtinës e as të vendit. Këtë veprim e konsideromë të izoluar dhe ftojmë qytetarë e sidomos studentët që mos të bien pre e individëve që thërrasin në dhunë, përhapin shpifje dhe i kontribuojnë urrejtjes e mosdurim.

Feja dhe objektet fetare te ne  gjithherë kanë qenë në funksion të paqes, mirëkuptim, tolerancës e harmonisë. E tillë do jetë edhe xhamia Qendrore e Prishtinës. Ftojmë organet kompetente që autorët e këtij akti të sillen para drejtësisë”, thuhet në reagim.

Ndryshe, Policia e Kosovës ka raportuar se të martën në mëngjes janë gjetur një sërë grafitesh në muret e Fakultetit të Filologjisë, të cilat janë cilkësuar si  kërcënime. “O Shpend Ahmeti, në Dardani, s’do të ketë Xhami Turke, do të ketë gjak. Do të vritesh o qen. Poshtë VV e Albin Talibani”. “Vdekje Naim Tërnavës e Hashim Turkut, Avni Rrustemi Rrnoft”, ka njoftuar policia për përmbajtjet e grafiteve.