Mustafa: Zvicra, përkrahëse e rëndësishme e progresit në Kosovë

Calmy-Rey, falënderoi kryeministrin Mustafa për pritjen, duke vlerësuar proceset zhvillimore në Kosovë dhe shprehu përkrahje të mëtejme

Gjatë qëndrimit në Kosovës ish-presidentja e Zvicrës, Micheline Calmy-Rey është pritur edhe nga kryeministri në detyrë, Isa Mustafa. Kryeministri e njoftoi për progresin në Kosovë, të arriturat në zhvillimin ekonomik, integrimet evropiane dhe fuqizimin e shtetit, transmeton albinfo.ch.

Ndërsa Calmy-Rey, falënderoi kryeministrin Mustafa për pritjen, duke vlerësuar proceset zhvillimore në Kosovë dhe shprehur përkrahje të mëtejme, theksohet në njfoftimin për media.

Po ashtu kryeministri Mustafa e falënderoi ish-presidenten për mbështetjen e vazhdueshme që ajo dhe Zvicra i kanë dhënë Kosovës.