Gratë kërkojnë dënim maksimal për vrasësin e Zejnepe Berishës

Nebih Berisha akuzohet se më 23 tetor të vitit  2015 në shtëpinë e tij duke përdorur një thikë e privoi nga jeta bashkëshorten Zejnepe Berisha e po ashtu për shkaktim të lëndimeve trupore për vajzën e tij

Një grup i grave kosovare kanë protestuar para Pallatit të Drejtësisë në Prishtinë me kërkesën e vetme dënimin maksimal për Nebih Berishën, vrasësin e Zejnepe Berishës. Protesta është organizuar nga Rrjeti i Grave të Kosovës por ka pasur shumë pak protestues.

Kryetarja e RRGK-së, Igballe Rugova  ka thënë se ato do të vazhdojnë ta ngrehin zërin për raste të tilla. “Prandaj kemi kërkuar të jemi pjesë e proceseve për drejtësi dhe prandaj kemi angazhuar edhe avokaten, Fehmie Bytyqi”, ka thënë ajo.

Ndërsa nëna e së ndjerës, Sala Bytyqi ka kërkuar dyfishim të dënimit për autorin e vrasjes, transmeton albinfo.ch. E avokatja e familjes,  Fehmie Gashi-Bytyqi ka treguar se në seancën e sotme gjyqësore ajo ka kërkuar ndryshimin e dënimit.

Nebih Berisha akuzohet se më 23 tetor të vitit  2015 në shtëpinë e tij duke përdorur një thikë e privoi nga jeta bashkëshorten Zejnepe Berisha e po ashtu për shkaktim të lëndimeve trupore për vajzën e tij.