Bushati: Qeveria kroate vendos rreth ekstradimit të Ballistit

Rregullat e ekstradimit janë të qarta. Pavarësisht fjalës së gjyqësorit, i takon qeverise kroate të vendosë, ka thënë ministri Bushati

Ideatori i flamurit “Autochthonous” që u ngrit në ndeshjen Serbi-Shqipëri në kualifikimet për ne EURO po vazhdon të mbahet nga policia kroate që prej muajit qershor. Por ministri i Punëve të Jashtme të Shqipërisë ka thënë se institucionet shqiptare janë angazhuar drejtpërdrejtë për të mos lejuar ekstradimin e tifozit të kombëtares Ballist Morina në Serbi.

Bushati ka konfirmuar përpjekjet që po bëhen në këtë drejtim.

“Me lejoni tu them se shteti Shqiptar ka vepruar me të gjitha normat ndërkombëtare duke i dhënë asistencë Ballist Morinës, si dhe duke e vizituar ku mbahet aktualisht. Ka pasur edhe një komunikim në Podgoricë mes dy kryeministrave. I njëjti komunikim është edhe mes dy shteteve.

Rregullat e ekstradimit janë të qarta. Pavarësisht fjalës së gjyqësorit, i takon qeverise kroate të vendosë. Jemi besimplotë se çështja do të zgjidhet në mënyre racionale”, citojnë mediat shqiptare të këtë thënë Bushati, transmeton albinfo.ch. krejt këtë ministri shqiptar e ka quajtur si një betejë shahu. “

Jemi në një tryezë shahu, ku secila prej palëve bën lëvizjet që i gjykon më dobiprurëse. Serbia i ka bërë veprimet e saj. Kemi precedentin Italian, ku ju refuzua kërkesa Serbisë. Ne besojmë që Kroacia duhet të ndjekë këtë precedent. Marrëdhëniet mes dy vendeve duhen kultivuar dhe përmirësuar në funksion të stabilitetit demokratik”, ka përfunduar Bushati.