Në Kosovë shënohet java botërore e  të ushqyerit me gji

Qëllimi i shënimit të kësaj jave është informimi dhe sensibilizimi i qytetarëve përkatësisht nënave me të ushqyerit me qumështin e gjirit për foshnjat

Në Kosovë shënohet java botërore e  “të ushqyerit me gji”

Në Kosovë është shënuar java botërore e të  ushqyerit me gji. Me rastin e kësaj jave, organizata “Human Care” organizoi bashkëbisedim me qytetarët e Prishtinës në sheshin “Nëna Terezë”.

Qëllimi i shënimit të kësaj jave është informimi dhe sensibilizimi i qytetarëve përkatësisht nënave me të ushqyerit me qumështin e gjirit për foshnjat. Java botërore e ushqyerjes me qumështin e gjirit është një aksion madhor që zhvillohet çdo vit në rang botëror gjatë javës së parë të muajit Gusht.

Qumështi i nënës është thelbësor për mirëqenien e fëmijës në fazat e para të jetës dhe për të ardhmen e tij, përveç kësaj ka dhe efekte pozitive për nënën të vërtetuara shkencërisht.

Sipas Organizatës Botërore të Shëndetësisë ( OBSH ), rekomandohet që krahas ushqimeve shtesë edhe pasi foshnja të mbush 6 muaj, të vazhdohet të ushqyerit me qumësht gjiri.