I mituri me veturë me targa zvicerane godet për vdekje dy këmbësore

Policia ka bërë të ditur se ngasës i automobilit me tabela të Zvicrës ishte një i mitur, H.B. i lindur më 2001

Një 16-vjeçar ka goditur me veturë dy këmbësorë, të cilët kanë vdekur në vendin e ngjarjes. Ky aksident ndodhi në fshatin Rogovë të Gjakovës, të hënën pasdite.

Policia ka bërë të ditur se ngasës i automobilit me tabela të Zvicrës ishte një i mitur, H.B. i lindur më 2001. “Duke mos iu përshtatur kushteve të rrugës ai ka humbur kontrollin dhe i ka goditur dy këmbësorë të cilët na lëndimet kanë humbur jetën në vendin e ngjarjes”, thuhet në njoftim të Policisë, rajoni i Gjakovës.

Lëndime ka marrë edhe shoferi, si edhe një pasagjer.

Dy viktimat janë të gjinisë femërore, Gj.K. e lindur më 1962 dhe L.D. e lindur më 2005.