1100 hektarë pyje e kullota të prekura nga zjarri në Shqipëri

Sipas njoftimit të fundit nga Ministria e Mjedisit, prej tyre 236 hektarë janë djegur tërësisht. Autoritetet kanë nisur procedura penale ndaj 20 personave që janë arrestuar për zjarrëvënie të qëllimshme

Keystone

Më shumë se 1100 hektarë pyje dhe kullota janë prekur nga zjarri në Shqipëri.

Sipas njoftimit të fundit nga Ministria e Mjedisit, prej tyre 236 hektarë janë djegur tërësisht.

Kjo ministri ka vlerësuar se pa llogaritur vatrat e ditëve të fundit, dëmi i shkaktuar është mbi 66 milionë lekë, raporton Top-Channel.

Sipas Inspektoriatit Shtetëror të Mjedisit dhe pyjeve, bimësia më e prekur janë shkurret.

Autoritetet kanë nisur procedura penale ndaj 20 personave që janë arrestuar për zjarrëvënie të qëllimshme.

Shumica e zjarreve janë nga pakujdesia, ndihmuar nga kushtet klimatike gati ekstreme për vendin.

Një zjarr i fuqishëm ka renë pasditen e së premtes në fshatin Corrush të Mallakastrës. Si pasojë e flakëve janë djegur tre banesa, por fatmirësisht nuk ka patur njerëz të lënduar.

Zjarri ka përfshirë kodrat e këtij fshati dhe për pasojë janë djegur masive me ullinj, si dhe sipërfaqe me shkurre dhe ferra.