Vetura hyn dhunshëm në tarracën e restorantit, mbytet një vajzë

Sipas njohurive të para, ai ka vozitur qëllimisht drejt grumbullit të njerëzve. Megjithatë, sipas policisë, akti nuk duket të ketë prapavijë terroriste

Sonte, në Sept Sorce,  një lokalitet, 60 kilometra në lindje të Parisit, një automobil ka hyrë në tarracën e një picerie, me ç`rast ka mbytur një vajzë 13 vjeçe dhe dymbëdhjetë persona të tjerë janë lënduar. Katër prej tyre kanë pësuar lëndime të rënda.

Policia njofton se ngasësi i automjetit është arrestuar, raportojnë mediat franceze. Sipas njohurive të para, ai ka vozitur qëllimisht drejt grumbullit të njerëzve. Megjithatë, sipas policisë, akti nuk duket të ketë prapavijë terroriste.