Digjet në burg njëri nga pjesëtarët e “Grupit të Kumanovës”

Mediat lokale në Maqedoni duke u bazuar në burimet e tyre nga qendrat e korrektimit, thonë se bëhet fjalë për Rufki Doganin, i cili ka marrë lëndime të rënda

Njëri prej anëtarëve të “Grupit të Kumanovës” që po gjykohen për sulm ndaj organeve të rendit në Maqedoni, ia ka vënë flakën qelisë në burg duke u djegur edhe vet brenda. Mediat lokale në Maqedoni duke u bazuar në burimet e tyre nga qendrat e korrektimit, thonë se bëhet fjalë për Rufki Doganin, i cili ka marrë lëndime të rënda.

Ky reagim i të burgosurit shqiptar ka ardhur për shkak të maltretimit të vazhdueshëm nga policia. Rasti ka ndodhur rreth një orë më parë dhe me këtë rast ai ka marrë lëndime të rënda, thonë familjarë të pjesëtarëve të Grupit.

Ai ka qenë i revoltuar edhe për shkak se nuk i është ofruar ndihma mjekësore që e ka kërkuar nga autoritetet e burgut. Zyrtarisht ende nuk ka informacione lidhur me rrethanat si ka ndodhur rasti.