Aksident i rëndë në Angli, vdesin tetë persona

Gjashtë meshkuj dhe dy femra mësohet se kanë vdekur në vend, në aksidentin e rëndë, ku janë përfshirë dy maune të mëdha dhe një minibus. Aksidenti ka ndodhur rreth orës 03:00 të mëngjesit të së shtunës

Një aksident i rëndë ka ndodhur në Angli, ku kanë vdekur tetë persona, dhe tre persona të tjerë janë lënduar në këtë aksident, shkruan “Daily Mail”.

Aksidenti ka ndodhur në një nga nyjet kryesore të Anglisë që lidh veriun dhe jugun e vendit, përcjell albinfo.ch.

Gjashtë meshkuj dhe dy femra mësohet se kanë vdekur në vend, në aksidentin e rëndë, ku janë përfshirë dy maune të mëdha dhe një minibus. Aksidenti ka ndodhur rreth orës 03:00 të mëngjesit të së shtunës.

Mësohet se dy persona janë arrestuar në lidhje me këtë ngjarje, derisa një vajzë 5-vjeçare është në gjendje të rëndë dhe po lufton për jetën.