Tunizia ndryshon ligjin, gratë mund të martohen me jomyslimanët

Tunizia ka hedhur poshtë ligjin që nuk lejonte martesën e grave me burra jomyslimanë

Një zëdhënëse e Presidentit Beji Caid Essebsi bëri njoftimin dhe uroi gratë në fitimin e lirisë për të zgjedhur burrin.

Deri tani, një burrë jomysliman që ka dashur të martohej me një grua tuniziane ishte dashur të konvertohej në mysliman dhe të nënshkruante certifikatën e konvertimin si provë.

Tunizia vlerësohet si një nga shtetet më progresive arabe sa i përket të drejtave të grave.

Ligji i ri vjen pasi presidenti Essebsi deshi rrëzimin e ligjit që parandalonte disa martesa që nga viti 1973. Ai tha se ky ligj bie ndesh me kushtetutën e Tunizisë, që u miratua më 2014 pas “Pranverës Arabe”.