Ryanair anulon edhe 18 mijë fluturime

Ryanair do të anulojë edhe 18 mijë fluturime mes muajve nëntor dhe mars duke ndikuar udhëtimet edhe të 400 mijë pasagjerëve.

Kompania pritet të ketë rreth 25 aeroplanë më pak për shkak të rrezikut për anulime të mëtejme. Pritet anulimi i rreth 34 linjave këtë dimër, përcjell albinfo.ch.

Më herët gjatë muajit kompania irlandeze bëri të ditur se do të anulojë nga 50 fluturime në ditë për shkak të “motit të keq, grevave të punëtorëve dhe shtimi i pushimeve të personelit”.

Pasagjerëve të prekur nga ky vendim do t’u kompensohen biletat apo do t’u gjenden bileta alternative.