Rriten për 38 % shpenzimet e ambasadave shqiptare

Qeveria e Shqipërisë, në bilancin për 6-mujorin e parë të këtij viti, ka rezultuar me rritje të shpenzimeve.

Shpenzimet e ambasadave për këta gjashtë muaj janë rritur për 38%  krahasuar me periudhën e njëjtë të vitit 2016, duke arritur shifrën e 5.5 milionë dollarëve, përcjell albinfo.ch.

Nga këto fonde, thekson raporti, nuk janë përfshirë pjesa e pagave që merren nga buxheti i shtetit. Por, në raport vërehet rritje edhe te pagat, sikurse te shpenzimet e tjera.

Sipas të dhënave, për pagat e zyrtarëve në ambasadat shqiptare kanë shkuar 2.1 milionë dollarë në 6 muajt e parë të këtij viti, ose 10.5 për qind më shumë se sa vitin e kaluar. Shqipëria ka rreth 50 përfaqësi diplomatike të vendosura në shtatë kontinentet.