Vazhdon trendi i uljes së shkallës së papunësisë në Gjermani. Në shtator kjo shkallë ka rënë në pikën më të ulët historike, duke u ndalur në 5.5 për qind të papunë. Shprehur me shifra, numri i të papunëve është 2.4 milionë sish, që shënon numrin më të ulët që nga ribashkimi i shtetit gjerman.

Të kujtojmë, numri i të papunëve në shtetin më të madh të Evropës gjatë kësaj periudhe kishte arritur në një kohë edhe 4 milionëshin.

Siç bën të ditur Zyra Federale e Punës, në krahasim me muajin gusht, numri i të papunëve është zvogëluar për 96 mijë sish. Ndërsa në krahasim me një vit më parë, rënia ka qenë 160 mijë.

Shefi i Agjencisë Federale të Punës, Detlef  Scheele ka thënë për media se tregu i punës po vazhdon të ketë zhvillim shumë pozitiv.