Kapet shqiptari me 21 kg kanabis

Shoferi 30 vjeçar gjatë marrjes në pyetje ka pranuar veprën, por ka thënë se ai është vetëm korrier

Me rastin e kontrollimit që i ka bërë një makine në Thörl-Maglern, policia austriake la gjetur në bagazhin e saj plot 21 kilogramë kanabis. Kjo sasi droge ishte kontrabanduar nga Shqipëria dhe ishte menduar të sillej në Salzburg, shkruan orf.at.

Pak para orës 20 një mercedes i zi kishte kaluar kufirin nga Italia në Austri, transmeton albinfo.ch. Policët që bënë kontrollimin, aty gjetën një torbë përplot me kanabis. Shoferi i makinës, një shtetas shqiptar, drogën po e sillte nga Tirana, përmes Italisë drejt Salzburgut, ku mendohet se ishte destinimi i fundit.

Shoferi 30 vjeçar gjatë marrjes në pyetje ka pranuar veprën, por ka thënë se ai është vetëm korrier. Ai është arrestuar dhe është dërguar në paraburgim në Klagenfurt. Zyrtarët përkatës janë duke i zhvilluar hetimet për të zbuluar prejardhjen e saktë të drogës, vendin e destinimit të saj dhe urdhërdhënësin.