50 të vrarë dhe 200 të plagosur në masakrën e kryer në Las Vegas

Policia thotë se bëhet fjalë për një person të vetëm, një 64 vjeçar i cili, sipas njohurive të deritashme, nuk i përkiste ndonjë grupimi ekstremist

Keystone

Numri i viktimave nga të shtënat në një koncert të mbajtur mbrëmë në Las Vegas, SHBA, është ngritur në 50 ndërsa janë më shumë se 200 të tjerë që kanë marrë plagë nga armë zjarri. Këtë njoftim e ka dhënë sherifi i Las Vegasit, Joie Lombardo, shkruajnë mediat amerikane.

Bëhet e ditur se policët e kanë vrarë personin e dyshuar se kishte bërë masakrën.

Sipas dëshmitarëve, një person kishte filluar të qëllonte me armë mbi vizitorët e një koncerti të muzikës Country që po mbahej në qendrën e kazinove të këtij qyteti. Policia thotë se bëhet fjalë për një person të vetëm, një 64 vjeçar i cili, sipas njohurive të deritashme, nuk i përkiste ndonjë grupimi ekstremist.

Ai rreth mesnatës, sipas kohës lokale, kishte qëlluar mbi vizitorët e koncertit me një pushkë automatike nga kati i 32-të i një hoteli.