Këta janë 28 zviceranët që kanë fituar çmimin Nobel deri sot

Zviceranë “autoktonë” nga këta kanë qenë gjithsej 8, të tjerët e kanë fituar shtetësinë më vonë ose  kanë pasur krahas një përkatësie tjetër shtetërore

Zvicra, një vend relativisht i vogël, ka një numër impresionues të fituesve të çmimit Nobel. Fituesi i shpallur sot i këtij çmimi për kimi, Jacques Dubochet, është i 28-ti zviceran* që ka fituar Nobelin në historinë mbi 100 vjeçare të tij.

Mirëpo zviceranë “autoktonë” nga këta kanë qenë gjithsej 8, të tjerët e kanë fituar shtetësinë më vonë ose  kanë pasur krahas një përkatësie tjetër shtetërore, shkruan albinfo.ch. I fundit që kishte fituar çmimin e lartë ka qenë Kurt Wüthrich në vitin 2002, po ashtu për kimi.

Po ashtu 9 herë janë vlerësuar me çmimin Nobel, organizatat që kanë selinë në Zvicër.

Këta janë fituesit e deritashëm zviceranë të çmimit Nobel sipas fushave:

Për Kimi

Alfred Werner, (Viti 1913), Paul Karrer (1937), Leopold Ruzicka (1939, zviceranogjerman), Herman Staudiger (1953, zviceranogjerman), Vladimir Prelog (1975, zviceran nga viti 1959), Richard Ernst (1991)  Kurt Wüthrich (2002) dhe Jacques Dubochet (2017).

Për mjekësi

Theodor Kocher (1909), Paul H. Müller (1948), Walter Rudolf Hess (1948), Tadeusz Reichstein (1950, zviceran nga viti 1915), Max Theiler (1951, shtetas zviceran dhe amerikan), Daniel Bovet (1957), Werner Arber (1978), Edmond H. Fischer (1992), Rolf M. Zinkernagel (1996)

Për fizikë

Charkes Edouard Guillame (1920), Albert Einstein (1921, shtetas gjerman, zviceran dhe amerikan), Wolfgang Pauli (1945, austriak, zviceran amerikan), Felix Bloch (1952 (CH/SHBA), Heinrich Rohrer (1986), Karl Alexander Müller (1987)

Për letërsi

Carl Spitteler (1919) dhe Hermann Hesse (1946, gjermanozviceran nga viti 1924

Për paqe

Henry Dunant (1901), Elie Ducommun dhe Charles-Gilbert Gobat (1902)

---