Film për themeluesin e Playboyit, Leto në rol të Hefnerit

Keystone

Aktori i njohur Jared Leto do të luajë rolin e Hugh Hefnerit në një film për jetën e themeluesit të revistës Playboy.

Lajmi për një film për Hefnerin vjen vetëm një javë pas vdekjes së 91-vjeçarit.

Regjisor i filmit do të jetë Brett Ratner, sipas “Hollywood Reporter”.

Pas vdekjes së Hefnerit, Ratner kishte shkruar në Instagram se ai “ishte një nga pionierët më të mëdhenj të mediave dhe kulturës në histori dhe që ishte përgjegjës për lëvizjet më të mëdha sociale dhe kulturore të kohës sonë në mbrojtje të fjalës së lirë, të drejtave civile dhe lirisë seksuale”.

Filmi thuhet se është në fazën fillestare të zhvillimit dhe se akoma nuk dihen detajet e tij. Megjithatë, pritet që ky film të mbulojë periudhën kur Hefner huazoi 8 mijë dollarë për të shtypur numrin e parë të Playboyit më 1953 dhe kur langoi revistën me fotografi nudo të Marilyn Monroes, shkruan albinfo.ch.

Leto, që ka marrë rolin kryesor, ka fituar çmimin Oscar më 2013 për rolin në filmin “Dallas Buyers Club”.