Ulja e ‘frikshme’ e aeroplanit gjatë stuhisë në Dyseldorf

Nga video që është publikuar në youtube, shihet se në çfarë kushte ateron aeroplani, derisa piloti ka marrë përgëzime të mëdha, sepse kushtet ishin jashtëzakonisht të vështira

Të enjten një Airbus A380 u ul në aeroportin e Dyseldorf dhe dukej se ishte shumë afër që të dalë jashtë pistës, shkruan ‘The Local’.

Fluturimet u anuluan dhe u vonuan në Gjermaninë Veriore të enjten për shkak të stuhisë së fortë Xavier, por një aeroplan është ulur në aeroport në kushte shumë të vështira, ku kishte shumë erë, përcjell albinfo.ch.

Derisa erërat janë të forta, piloti shmanget majtas e djathtas, derisa arrin ta ulë aeroplanin, në kushte jashtëzakonisht të vështira. Aeroplani nga Dubai në Dyseldorf u vonua vetëm gjashtë minuta, raporton “RP-Online”.

Nga video që është publikuar në youtube, shihet se në çfarë kushte ateron aeroplani, derisa piloti ka marrë përgëzime të mëdha, sepse kushtet ishin jashtëzakonisht të vështira.

Airbus A380 është aktualisht avioni më i madh komercial në botë.