Miliarderët që dhurojnë më së shumti para

Njerëzit e pasur dhurojnë shumë para në nisma sociale dhe bamirësie. Shembuj në këtë drejtim janë dy nga sipërmarrësit më të njohur në botë,  Bill Gates dhe Warren Buffett.

Revista «The Chronicle of Philanthropy» paraqiti raportin e saj “Filantropia 50” kushtuar donacioneve në shtator. Ajo gjithashtu raporton për donatorët më të mëdhenj në Shtetet e Bashkuara që nga viti 2000.

Rezultatet tregojnë se miliarderët më të pasur janë ndër donatorët më të mëdhenj.
E megjithatë, vendi i parë mund të befasojë, sepse nuk është njeriu më i pasur në botë, Bill Gates.
Themeluesi i Microsoft mbetet në pozitën e dytë. Ai dhuroi 22% të pasurisë së tij, ose 18 miliardë dollarë.

Numri një në renditje është Warren Buffett. Investitori legjendar ka dhuruar më shumë se dyfishin – 46 miliardë dollarë, që është 71% e gjithë pasurisë së tij.

Vendi i tretë është ish-kryetari i New Yorkut, Michael Bloomberg, i cili dhuroi 10 për qind të pasurisë së tij, ose 4.5 miliardë dollarë.

Nëse po pyesni se kush është më i fundit në listë, atëherë ai është gjithashtu një nga njerëzit më të pasur në planet, themeluesi dhe CEO i Amazon, Jeff Bezos. Tani për tani, ai ka dhuruar vetëm 0.1% të pasurisë së tij personale.