Norvegjia paguan njësoj futbollistët në dy gjinitë

Ekipi përfaqësues i Norvegjisë, në konkurrencën e meshkujve si dhe në konkurrencën e femrave do të paguhet njëjtë.

Federata e Futbollit të Norvegjisë ka njoftuar se shifra totale e pagave për ekipin e kategorisë së femrave është dyfishuar, nga 3.1 milionë kruna në 6 milionë. Këtu përfshihen edhe 550 mijë kruna të paguara nga futbollistët norvegjezë, para të cilat i marrin nga aktivitetet komerciale, përcjell albinfo.ch.

“Faleminderit që e bëtë këtë hap për atletet femra”, ka shkruar anësorja norvegjeze Caroline Graham Hansen.

Ajo ka falënderuar ekipin e meshkujve duke thënë se “ndoshta është një gjë e vogël për ju, por për ne është e jashtëzakonshme”.