Konsullata shqiptare në Milano me flamuj të Shqipërisë dhe Kosovës

Flamuri i Shqipërisë dhe Kosovës janë ngritur sot në godinën e re të Konsullatës Shqiptare në Milano.

Lajmin e ka bërë të ditur kryeministri i Shqipërisë, Edi Rama përmes një njoftimi në llogarinë e tij në “Facebook”, duke shtuar se ngritja e tillë e flamujve nuk përfundon me kaq, pasi do të hapen dhe institucione të tjera të përbashkëta në shërbim të të gjithë shqiptarëve në botë.

“U ngritën sot edhe flamujt në godinën e re të Konsullatës Shqiptare të Milanos. Në vijim do të çelim të tjera stacione dinjitoze e të përbashkëta për shërbimet konsullore për shqiptarët nëpër botë”, ka shkruar Rama, përcjell albinfo.ch.

Rama ditë më parë ka emëruar katër zëvendësministra nga Kosova, kurse është shprehur se në kufiri Shqipëri-Kosovë nuk duhet të ‘ekzistojë’ apo të jetë i ngjashëm si në mes disa vendeve, ku pritja nuk ekziston fare.