Përplasje mes Ramës dhe Bashës

Kryeministri shqiptar, Edi Rama dhe lideri i Partisë Demokratike, Lulzim Basha sërish kanë pasur ‘përplasje’ në seancën e Kuvendit të Shqipërisë, shkruan albinfo.ch.

“Rezultati i zgjedhjeve ishte i thellë dhe kuptimplotë për këdo që ka dëshirë ta lexojë me objektivitet. Partia Socialiste mori më shumë vota se 4 vite më parë, ndërsa Partia Demokratike më pak vota se 4 vite më parë. Asnjë vizion, asnjë program, asnjë ide dhe asnjë tingull i ri në këngën tuaj të vjetër “shaj e shaj se diçka do të mbetet”. Them me shumë keqardhje edhe se keni 0 lidership. Keni humbur çelësin e suksesit, që është përgjegjësia”, është shprehur Edi Rama.

Por, nuk mungoi kundërpërgjigja nga Basha. “Gjysma prej jush ka ardhur në Parlament nga krimi. Rama sulmon një orë opozitën dhe nuk thotë asnjë fjalë për krimin. Pse? Sepse është njësh me ta. Të dënuar me drogë, prostitucion dhe vrasje u bënë deputetë nga Edi Rama. Partinë tuaj e sundojnë kriminelët. Në zyrat tuaja ju ngrenë pistoletat banditët. Nuk luftohet dot krimi i organizuar kur Rama është vetë krim i organizuar”, shtoi Basha.