Aleanca për Shqiptarët dhe BESA, me rritjen më të madhe

nga zgjedhjet rritje ka Aleanca për Shqiptarët, e udhëhequr nga Ziadin Sela, që tashmë është forca e dytë politike e shqiptarëve në Maqedoni

Rezultatet e zgjedhjeve në Maqedoni tregojnë për një renditje të re në skenën politike shqiptare në Maqedoni, pasi që nga analiza e votave për listat e këshilltarëve del se Bashkimi Demokratik për Integrim ka gjithsej 89. 618 vota, që përbën 42 për qind të votave shqiptare. Vota të përafërta të BDI-së me zgjedhjet e kaluara.

Por, nga zgjedhjet rritje ka Aleanca për Shqiptarët, e udhëhequr nga Ziadin Sela, që tashmë është forca e dytë politike e shqiptarëve në Maqedoni. Aleanca për listat e këshilltarëve ka fituar 49.162 vota, që përbën 23 për qind të elektoratit shqiptar. Ndërsa Lëvizja Besa në këto zgjedhje ka fituar 46.534 vota, që përbën 22 për qind të elektoratit shqiptar.

Rënie të madhe ka pësuar PDSH, e cila tashmë është e katërta dhe ka vetëm 8 % të elektoratit shqiptar.