Shkupi vazhdon me subvencionimin e aviokompanive të lira

Se cila linjë ajrore do të zgjidhet si transportues i ri me kosto të ulët, do të bëhet e ditur vitin e ardhshëm

Foto ilustrim

Qeveria do të vazhdojë projektin “Fluturime të lira për qytetarët e Maqedonisë”. Se cila linjë ajrore do të zgjidhet si transportues i ri me kosto të ulët, do të bëhet e ditur vitin e ardhshëm.

Që nga viti 2012, Wizzair ka operuar nga aeroporti i Shkupit. Marrëveshja e fundit trevjeçare me kompaninë ajrore përfundon në qershor. Pas kësaj, do të shpallet një tender i ri publik, me të cilin do të zgjidhet operatori i cili do të ofrojë kushte më të mira. Një çmim më i ulët për fluturimet dhe një rrjet më i gjerë destinacionesh janë kriteret më të rëndësishme për zgjedhjen, përcjell albinfo.ch.

Sipas informacionit nga Ministria e Transportit, qeveria e mëparshme vitin e kaluar ka paguar subvencione në shumë prej 1.6 milion euro për transportin e rreth 1.8 milionë pasagjerëve. Më shumë se një milion euro janë paguar për vitin aktual.

Në korrik filluan fluturimet në Romë, Maltë, Vaxjo dhe Doha. Në të njëjtën kohë, Wieser ngriti 4 aeroplanë në aeroportin e Shkupit, ndërsa Qatar Airways, si markë e re hyri në tregun e Maqedonisë.