Evropianët jetojnë më shumë në qytete

41% e popullsisë së Bashkimit Evropin jeton në qytete, 31% në qytete dhe rrethina dhe 28% në zonat rurale. Brenda vendeve anëtare, pjesa më e madhe e popullsisë në qytete u regjistrua në Maltë me 90%, ndjekur nga Mbretëria e Bashkuar dhe Holanda, me 59% dhe 55%.

Statistikat flasin për vitin 2016. Nga ana tjetër, më pak se 1 në 4 persona jetonte në qytete në Luksemburg, në 13% të totalit, ndjekur nga Sllovenia dhe Sllovakia me 20% dhe 23%. Qytetet shihen si qendra të rritjes ekonomike, duke ofruar mundësi për studim, inovacion dhe punësim.

Megjithatë, jetesa në qytet ka edhe sfida, e një ndër to është strehimi i kushtueshëm. Qytetet kanë një normë më të lartë të njerëzve me edukim të lartë. Në vitin 2016, më shumë se 35%, apo 1 në 3 persona që jetonin në qytetet e Bashkimit Evropian kishin edukim të lartë, krahasuar me 20% në zonat rurale. Pavarësisht avantazheve, si edukimi dhe punësimi, jetesa në qytet sjell edhe kosto më të lartë të strehimit.

Siç raporton scan-tv në nivel të Bashkimit Europian, 13% e popullsisë në qytete jetojnë në ekonomi familjare që shpenzojnë më shumë se 40% të të ardhurave në dispozicion për strehim. Kosto më e lartë qëndronte në Greqi, ndjekur me një normë shumë më të ulët nga Danimarka dhe Gjermania.