Basha: 800 mijë eurot e kapura në Elbasan ishin të Saimir Tahirit

Kreu i Partisë Demokratike, Lulzim Basha, ka reaguar sërish lidhur me arrestimin e Orest Sotës në Elbasan, të cilit iu gjetën dy patenta të ish-ministrit Saimir Tahiri, i akuzuar për shpërndarje të narkotikëve.

Basha thotë se shuma prej 800 mijë eurosh i përket ish-ministrit të Brendshëm, Saimir Tahiri, ashtu sikurse edhe dy patentat e lundrimit të tonazhit deri 20 -100 tonë, përcjell albinfo.ch.

“Njëri prej këtyre mjeteve lundruese u zhvendos nga porti i Durrësit më 19 tetor, dy ditë pasi dolën përgjimet e Habilajve”, thotë Basha.

Sipas kreut demokrat, i riu i ndaluar nga policia ka mohuar njohjen me Tahirin, por “që rezulton se me këtë makinë kanë lëvizur disa herë jashtë shtetit bashkë”.