Ambasadori Lu kërkon arrestimin e “peshqve të mëdhenj”

Ambasadori amerikan në Tiranë, Donald Lu, ka përshëndetur operacionin “Forca e Ligjit”, i prezantuar nga Ministria e Brendshme, ku edhe u dhanë afate se kur pret rezultate nga ky operacion.

“Të flasim me vepra dhe jo me fjalë. Presim që ky plan agresiv i Qeverisë së Shqipërisë të përfundojë me arrestimin dhe ndjekjen penale të disa ‘peshqve të mëdhenj’ në fillim të vitit të ardhshëm dhe ky sukses të vazhdojë me SPAK-un”, deklaroi ambasadori amerikan, duke shtuar se këtë e presin partnerët ndërkombëtarë, përcjell albinfo.ch.

Ambasadori tha se Shqipëria ka një problem me lidhjet e grupeve kriminale me politikanë dhe kërkoi që kjo të mos mohohet. Ndërkohë, ministri Fatmir Xhafaj tha se plani dhe ngritja e task forcës është një qasje e re dhe e vendosur e qeverisë për një luftë frontale ndaj strukturave të krimit.