Sa shpenzojnë ambasadorët shqiptarë, duke blerë Mercedes

Një auditim i Kontrollit të Lartë të Shtetit për procedurat e blerjes jep një panoramë edhe më të qartë për llojin e mjeteve që këto ambasada kanë preferuar të blejnë

Veturat Mercedes janë të adhuruara nga shqiptarët që e konsiderojnë ikonë të automobilizmit. Por, edhe ambasadorët shqiptarë duket se janë shumë të pasionuar pas Mercedes-ëve. Një auditim i Kontrollit të Lartë të Shtetit për procedurat e blerjes jep një panoramë edhe më të qartë për llojin e mjeteve që këto ambasada kanë preferuar të blejnë dhe është pikërisht Mercedes, shkruan ‘monitor’.

Ambasada e Shqipërisë në Stokholm ka blerë Mercedes Benz me vlerë prej 25 523 euro. Ndërkohë, në Bari janë dy Mercedes Benz, të dy me vlerë nga 32 400 euro, përcjell albinfo.ch.

Edhe 150 mijë euro tjera janë ndarë për ambasadat tjera. Këto u ndanë tek Ambasada Paris për 30,000 euro, Ambasada Berlin për 30,000 euro, Ambasada në Lubjanë për 30,000 euro, Ambasada në Zagreb për 30,000 euro dhe Ambasada  në Prishtinë për 30,000 euro.