Meta s’pranon deklasifikimin e mbledhjes së Këshillit të Sigurisë Kombëtare

Pavarësisht qëllimeve pozitive të një grupimi politik, shoqëror, apo social të caktuar nuk e gjej plotësisht në përputhje me interesat afatgjata të sigurisë kombëtare

Presidenti i Shqipërisë, Ilir Meta, nuk ka pranuar kërkesën e 7 deputetëve të Partisë Demokratike  për të deklasifikuar dhe publikuar diskutimet në mbledhjen e Këshillit të Sigurisë Kombëtare të mbajtur vitin e kaluar, transmeton albinfo.ch.

Në përgjigjen e presidenti theksohet se nuk është gjetur mundësi ligjore “Për informacionin e klasifikuar sekret shtetëror”.  “Pavarësisht qëllimeve pozitive të një grupimi politik, shoqëror, apo social të caktuar nuk e gjej plotësisht në përputhje me interesat afatgjata të sigurisë kombëtare.

Vlerësoj se deklasifikimi dhe publikimi i diskutimeve në mbledhjen e KSK-së, do të përbënte një precedent me pasoja afatgjata për funksionimin e Këshillit të Sigurisë Kombëtare”, thuhet në përgjigjen e kërkesës së grupit të deputetëve të Komisionit të Sigurisë Kombëtare.