“Heroi” Ford – shpëton një grua pas aksidentit

“Ai ndihmoi të aksidentuarën para se të arrinte emergjenca”, ka thënë shefi i policisë, Matt Alonzo

Ylli hollivudian Harrison Ford është lavdëruar për shpëtimin e një gruaje që kishte pësuar aksident në Kaliforni.

Ylli ishte në Santa Paula, në veri të Los Angelesit, me një mik kur dëgjuan një përplasje të madhe dhe shkuan të ndihmojnë.

“Ai ndihmoi të aksidentuarën para se të arrinte emergjenca”, ka thënë shefi i policisë, Matt Alonzo, transmeton Albinfo.ch.

Gruaja, që ishte e vetme në veturë, shpëtoi me pak lëndime, pas daljes nga autostrada dhe përplasjes për një peme.

Ford raportohet se ishte siguruar që 63-vjeçarja ishte mirë dhe ishte larguar sepse nuk ishte dëshmitar i aksidentit.