Zonja e parë e Francës emërton pandën e vogël

Zonja e parë e Francës, Brigitte Macron, nesër zyrtarisht do ta emërtojë një pandë katërmujore në një kopsht zoologjik.
Zonja e parë e një vendi është tradicionalisht ndrikull e një pande të re dhe ajo do të bashkohet me diplomatë dhe zyrtarë kinezë nga ZooParc de Beauval në ceremoni.

E panda e vogël, e cila deri tani është quajtur “Mini Yuan Zi”, lindi në gusht dhe filloi t’i bëjë hapat e parë në muajin nëntor.
Prindërit e saj, Huan Huan dhe Yuan Zi, erdhën në Francë në vitin 2012.

Ardhja e tyre u pa si forcim i lidhjeve diplomatike mes Parisit dhe Pekinit.

Ata do të qëndrojnë deri në vitin 2022 para se të kthehen në Kinë, kurse pasardhësit e tyre do të qëndrojnë në Francë deri në moshën dy apo trevjeçare.