Sa konsumohet alkooli në vendet e BE-së

Familjet në Bashkimin Evropian kanë përdorur 1.6% të totalit të shpenzimeve për konsum në pije alkoolike gjatë vitit 2016.

Nëse e zbërthejmë këtë në shifra, atëherë kjo shifër arrin në 130 miliardë dollarë, apo në 0.9% të Produktit të Brendshëm Bruto të BE-së, në mbi 250 euro për banor.

Këtu nuk përfshihen shpenzimet për pije alkoolike në restorante dhe hotele.  Shpenzimet për alkool nga ekonomitë familjare në Evropë janë thuajse të barabarta me shpenzimet për produkte mjekësore dhe kalojnë shpenzimet për mbrojtje sociale apo edukim për vitin 2016, shkruan ‘Scan’, përcjell albinfo.ch.

Në vendet anëtare, shpenzimet më të mëdha në pije alkoolike në raport me totalin janë regjistruar në Estoni, me 5.6%, ndjekur nga Letonia dhe Lituania me 4.8% dhe 4.2% në mënyrë respektive.

Nga ana tjetër, përqindja më e ulët e shpenzimeve konsumatore në alkool është regjistruar në Spanjë, me 0.8%, ndjekur nga Italia dhe Austria, me 0.9% dhe 1.3% të totalit.