Një i pastrehë gjen 300 mijë euro në aeroport

Një burrë që siguroi qindra mijëra euro pasi gjeti një çantë në Aeroportin “Charles de Gaulle” në Francë besohet se ka qenë i pastrehë.

Policia lokale ka thënë se e kanë njohur përmes pamjeve filmike si një prej qytetarëve të shumtë që jetonte në rrugët afër aeroportit.

Dyert e një kompanie në terminalin 2F ishin të hapura dhe burri, rreth 50-vjeçar, ka dalë me dy çanta të mëdha me para.

Ai tani po kërkohet nga policia, shkruan BBC.

Ngjarja ndodhi të premten e shkuar rreth orës 17:30, kur një alarm u dëgjua në zyrat e kompanisë, transmeton Albinfo.ch.

Zyrtarët që kanë kontrolluar pamjet e sigurisë kanë parë se personi kishte mbetur i habitur kur kishte parë se dyert ishin të hapura, në momentin kur ai ishte shtrirë përpara. Më pas ai u ngrit dhe u fut brenda duke dalë me dy çanta.

Në total ai mori 300 mijë euro.