Ambasada amerikane reagon pasi Shqipëria votoi kundër vendimit të Trumpit

“Jerusalemi është qendra e legjislaturës, kryeministrit dhe Gjykatës së lartë të Izraelit”, ka thënë kjo ambasadë në një postim në Facebook

Pas votimit të Shqipërisë kundër vendimit të SHBA-së për njohjen e Jerusalemit si kryeqytet të Izraelit, ka reaguar ambasada amerikane në Tiranë.

Kjo ambasadë ka ripërsëritur qëndrimin amerikan për Jerusalemin.

“Jerusalemi është qendra e legjislaturës, kryeministrit dhe Gjykatës së lartë të Izraelit”, ka thënë kjo ambasadë në një postim në Facebook, transmeton Top-Channel.

“Ne do të vazhdojmë të punojmë për paqen. Një proces që shpresojmë do të ofrojë rezultatin më të mirë si për popullin izraelit, ashtu dhe atë të palestinez”, mbyllet reagimi.