Ku punojnë njerëzit më të vjetër se 65 vjeç

Një raport i kohëve të fundit i OECD-së zbuloi se norma më e lartë për njerëzit që punojnë mbi 65 vjeç është në Azi

Ka një dallim të madh në normat e punësimit të njerëzve më të vjetër se 65 vjeç në vende të ndryshme të botës. Një raport i kohëve të fundit i OECD-së zbuloi se norma më e lartë për njerëzit që punojnë mbi 65 vjeç është në Azi, e Indonezia është shembulli më i shquar, sepse shkalla e punësimit është 50.6 për qind në kategorinë e moshës 65-69 vjeç.

Kjo shifër është e lartë në vendet e tjera të Azisë, kështu që në Korenë e Jugut norma është 45 për qind, e në Japoni 42.8 për qind. Ndryshe nga Evropa, ku shpërthyen protesta masive kur mosha e daljes në pension ishte shtyrë, pjesa më e madhe e Azisë në fakt dha mbështetje për rritjen e moshës së detyruar të daljes në pension. Arsyet për përkrahjen janë të ndryshme, nga dëshira për të mbajtur një jetë të shëndetshme dhe aktive dhe arsyeja tjetër është financiare, përcjell albinfo.ch.

Zelanda e Re nuk ka një moshë të detyrueshme të daljes në pension dhe është një vend tjetër me një shkallë të lartë të punësimit për të moshuarit, ku 42.6 për qind ende punojnë në moshën 65-69 vjeç. Shkalla është më e ulët është në Australi, ndërsa është 31 për qind në Shtetet e Bashkuara.

Në Evropë, ku u zhvilluan të gjitha protestat, shkalla është ende e ulët. Në Mbretërinë e Bashkuar, shkalla e punësimit për njerëzit e moshës 65-69 vjeç është 21 për qind, ndërsa në Francë dhe Spanjë është vetëm 6.3 për qind, përkatësisht 5.3 për qind.