‘Bonbon’ e Era Istrefit, mbi 500 milionë klikime

‘Bonbon’ e Era Istrefit edhe pse është publikuar para më shumë se një viti e gjysmë, po vazhdon të thyejë rekorde.

Tashmë kjo është njëra nga më të kilikuarat në Evropë dhe në botë. Kjo këngë ka arritur mbi 500 milionë klikime, apo saktësisht 502 milionë.

Këngëtarja nga Kosova është shprehur shumë e lumtur me këtë, përcjell albinfo.ch.

“Bonbon arriti gjysmë miliardë shikime. Edhe me deke so tu ma ni, ama viti i ardhshëm do të ‘kallet’”, ka shkruar Istrefi në Instagram.

Pikërisht kjo këngë kishte rritur famën e Era Istrefit, duke u ftuar nga shumë televizione ndërkombëtare, dhe duke organizuar shumë koncerte në disa vende të Evropës.