Opozita në Shqipëri nis protestat më 27 janar

Opozita në Shqipëri do të protestojë më 27 janar. Kjo datë është konfirmuar pas mbledhjes së Partisë Demokratike pas së cilës, Lulzim Basha ftoi të gjithë qytetarët që të protestojnë për të larguar këtë qeveri të cilën ai e cilësoi si të paligjshme, përcjell albinfo.ch.

“Drejtësia është kapur politikisht. Duam drejtësi për të papunët, për studentët, për ata që duan ta ndërtojnë jetën në Shqipëri. Gjithçka nis nga kthimi i ligjshmërisë në vend. Sot kemi një narkoshtet, i ndërtuar mbi paligjshmërinë. Paligjshmëria është themeli i zgjedhjeve të kapura, i votës së blerë, që ka çuar në një Parlament, qeveri e kryeministër të paligjshëm”,  ka thënë Basha.