Nëntë nga dhjetë gra në Bruksel, viktima të ngacmimit seksual

Sipas studimit, 88% e të anketuarave përjetuan ngacmime seksuale nëpër rrugët e Brukselit dhe gjysma e tyre pretendojnë se janë përballur me dhunë fizike

Gati nëntë nga dhjetë gra në Bruksel kanë përjetuar në një formë ngacmimin seksual, sipas një studimi nga Universiteti i Ghent.

Sipas këtij studimi, 88% e të anketuarave përjetuan ngacmime seksuale nëpër rrugët e Brukselit dhe gjysma e tyre pretendojnë se janë përballur me dhunë fizike, përcjell albinfo.ch.

Çdo e treta grua vazhdon të luftojë me pasojat e ngacmimit apo sulmit.

“Nuk ka respekt të mjaftueshëm për gratë. Nëse ato janë të ofenduara seksualisht në rrugë, atëherë nuk është një krim i vogël”, tha sekretarja belge e Shtetit, Bianca Debates, duke kërkuar që hetimi të kryhet.

Ajo mori pjesë në një fushatë për të inkurajuar gratë që t’i raportojnë këto raste në polici dhe po planifikon të sjellë në mars një kërkesë “Duart mënjanë nga Brukseli”, ngjashëm me atë që tashmë ekziston në Francë.